Transcription
1
Monsieur, par le retourt de vostre laquays je n’ay vollu fallyr vous faire ce mot pour vous
2
dire que j’ay trouvé ung chacun à Sainct-Gervays au mesme estat, grâces à Dieu, que je les layssais,
3
de mesme en ceste ville. Au demeurant, suivant ce qu’il vous pleust me commander, j’ay veu les deus
4
lestres que savés et vouldroys de bon cueur estre allés environ pour le desplaisir que j’ay d’avoyr
5
veu une si mauvaise ressoulution de laquelle je pourvoys que serés grandement desplaisant. Sur
6
ce, je vous supplieray très humblement monsieur, d’avoyr esgart à votre santé quar c’est tout ce
7
que les vostres vous désirent. Ce pendant, je salueray voz bonnes grâces par mes très humbles
8
recommandations, priant Nostre Seigneur vous donner
9
Monsieur, en très bonne santé, longue et heureuse vye. Au Monteilhimart, ce XVIe décembre .
10
Vostre très humble et très hobéyssant filz et à jamays serviteur Hourche
11
Je supplye les bonnes grâces de madame et de monsieur de La Roche de recevoyr mes très humbles recommandations.
12
Ilz m’excuseront si je ne leurs escritz pour asteure quar je n’ay vollu arrester vostre dit laquays, lequel est party d’icy
13
environ midy où il n’a susiourné plus de demy heure. J’ay faict tenyr votre paquet à monsieur le mareschal de Damville,
14
de mesme à monsieur de Rousset et la lestre que luy escriviés. Il y a dix jours qu’il est [* à] Greignans, ce pourtant grassement
15
à ce qu’on m’a dit. Je nous verrons au premier jourt, quar madame la contesse de Greignan m’a encore faict une recharge
16
pour l’aller trouver, ce que je feray au premiert jourt. Ilz sont tousiours hors du chasteau dudit Greignan.